Maandenplant

Bi Moringa oleifera (Moringaceae) hannelt sick dat üm einen lütten fixwassenden Bom, de taufödderst in Indien tau Hus wier. Intwüschen ward de Marretzigbom in wiede Deile von de Tropen un Subtropen as Nutzplant-Heilplant anbugt. Moringa oleifera besitt fedderte Lowbläder, de in de drögen Tieden affallen. De witten Bläuten können tau all Tieden in`t Johr rutkamen. Ut ehr gahn dreikantige, bet tau ca. 20 cm lange Kapselfrüchte hervör. Disse hemmen tahlrieke Samen mit Flüchten in sick.

All`ns von de Plant kann man äten. Sei enthöllt scharp schmeckenden Stoff (Senfölglykoside), de ok bi de nächsten Verwandten as Marretzig, Radieschen un Kapern tau finnen is. Tau Tied biläwen Moringa-Produkte einen "Boom", dor tahlrieke Inhaltsstoffe (u. a. Vitamine, Proteine) `ne gaude Wirkung up uns Gesundheit besitten sallen. Ok noch bekannt un wiesworden is de Kraft von de Samen tau`n Reinmaken von Wader. In de Samen is `n Stoff, de schietig Wader wedder sauber maken kann – blot 0,2 Gramm Moringa-Samenpulver reiken ut, üm 1 Liter Drinkwader uptaubereiten.

In`n Ingangsbereich von de Loki-Schmidt-Gewächshüser finnen sick `n poor Moringa oleifera-Planten, de in blot poor Maande `ne Höh` von mihrere Meter erreicht hemmen.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.