Maandenplant

Oewerall in Europa find`t man de Liljenkunfaljen an`n Bodden in dat lichte Bäukenholt. De tau de Spargelgewächse (Asparagaceae) tellende Gattung Convallaria umfött blot ein Oort. All in`n April (Ostermaand) kamen de langstähligen un langscheidigen Lowwbläder rut. Ut de krupenden Grungachsen wassen sei ruter. Vörsicht oewer! De Lilgen sünd sihr, sihr giftig! De Gefohr, sei mit den`n Borlack tau verwesseln, is grot!

In`n Wonnemaand kamen de, in`ner einsiet-wendigen Druw` anurdneten Bläuten rut (5–10 Stück). Disse Bläuten nicken un besitten `ne witte, kugelig-glockige Bläutenhüll. Unverwesselbor is ehr wollrükender Duft. Dat Bläutenöl ward för de Rükels nutzt. De kugeligen, lüchtend roden Früchte wassen in`n Sommer. As beleiwte Schnittblaumen un as bescheidene, boddenbedeckende Staud` spälten de Liljenkunfaljen in verläden Tieden `ne bedüdene Rull in`n dütschen Zierplantenanbu. Dat gifft ganz väle Tuchtformen, de sick in Bläutentahl un -grött as ok in de Wuchshög` unnerscheiden.

In`n Botanischen Gorden is dat Lilgen ü. a. gägenoewer von de Terrassenbeete tau seihn.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.