Maandenplant

De Gattung Rosa umfött mihr as 100 Oorten, de mierstendeils in de Nuurdhemisphär verbreit´t sünd. Dat hannelt sick in ierster Linie üm kladderne Strüker. Upgrund von ehr Bläuten sünd Rosen siet den´n Altertum as Zier- un Gordenplant beleiwt.

De Alpen-Ros (ok Gebirgs-Ros nömt) is sihr wannelbor. Wie all Verträder von de Gattung Rosa wiest ok R. pendulina Tacheln up. De Oort wachst strukförmig un erreikt ´ne Höcht von mihr as 2 m. De unporig gefiederte Lowwbläder erreiken ´ne Länge von bet tau 14 cm. In de Maande Mai un Juni kamen de einzelstahenden Bläuten rut. Dei Bläuten erreiken einen Dörchmesser von ca. 5 cm. Ehre fief Kronbläder sünd mierstendeils rosa infarft. Af un an sünd sei dunkel-purpurrot. In´n Harwst riept dat Sammelnötaft (Hambutten) ran. Sei sünd eiförmig bet flaschenförmig-länglich un warden ca. 3 cm lang. Sei sünd rötlich-orange infarft.

De Alpen-Ros is in den Alpen un anneren Gebirgen Middel- un Südeuropas bet etwa 2000 m Höcht tau Hus un leiwt opene, sünnige Standurte. In´n Botanischen Gorden steiht sei an´n Hauptweg, von´n Ingang ut tau seih´n, kort vör de Wegkrüzung up de rechte Siet.

Plattdütsch: Eva Dittberner, Vereinsmaat in'n Plattdütsch-Verein Klönsnack-Rostocker 7 e.V.