Maandenplant

De Gattung Liquidambar ümfatt veer Orten sommergröne Lofböm. De Amerikansche Amberbom (Liquidambar styraciflua) kümmt in Nuurdamerika an natten Standurten vör un is winterfast. Ofteis würr he bi uns in männichfachen Sorten as Park- un Straatenbom anplant. Wiel in’n Harwst de handförmig utseihnden Lofblädder in kräftigen Farwen lüchten, is he de Henngucker an’n Hauptwech von’n Botanischen Gorden.

In’n Harwst riepen ok de kugeligen Fruchtstänn’ rann, de sik ut holtige Kapseln tausamensetten. In de Stämm’ geef dat een aromatisch duftendes Harz, dat Stryrax nömt un in de Medizin anwendt ward. Ward de Stamm anritzt, kümmt Saft rut, de in’n Süden von de USA dröcht un worut Kaugummi makt ward (dorüm ok de dortige Gattungsnam „Sweetgum“). De Amberbom in’n Botanischen Gorden is in’t Johr 1958 anplant worn.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.