Maandenplant

In`n laten Sommer un Harwst sünd de bläuhenden Dahlien ut unse Gordens nich wegtaudenken. Tausamen ümfött de tau de Korfbläutler (Asteraceae) tellende Gattung Dahlia ungefihr 35 Oorten. Sei stammen ut Middelamerika (besünners Mexiko) un ut den`n Nuurden von Südamerika. Dat hannelt sick üm utduernde Stauden. Sei besitten Knollen bzw. Rhizome as ünnerierdische Oewerläbensdeile. Disse staatschen Planten können sogor mihrere Meters hoch warden.

Siet dat late 19. Johrhunnert warden Dahlien in Europa as Gordenplanten uptreckt. Ehre upfälligen Bläutenstänn` hemmen väle Farwen. (ü. a. rod, vigelett, gäl, witt). Von de Gorden-Dahlien gifft dat sihr väle Tüchtungen, de up de Krüzung von D. coccinea un D. pinnata trüchgahn. In uns Rebeite oewerduern de Dahlien den Winter nich. Bäder is, wenn man de Dahlien utgraben deit un de Knollen an einen düsteren Urt bi 5 bet 10° C lagern deit.

De Botanische Gorden besitt` ne lütte Sammlung von mihrstendeils Gordensorten. Sei stahn an`n Hauptweg gliek in de Näch von`n Ingang.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.