Maandenplant

De mihrsten Verträder vun de Hartriegelgewächse (Cornaceae) sünd sommergräune Strüker, seltener oewer Böm orrer Krüter. Bi väle Oorten sünd de lütten, viertelligen Bläuten ihrer unschienbor. Tahlrieke Cornus-Oorten wiesen Bläutenstänn` up, de up den iersten Blick as Einzelbläuten wirken. Bi`t nipping Henkieken wiest sick oewer, dat nich Bläutenbläder, sonnern Hochbläder för de Schauwirkung verantwurtlich sünd. Ut de Bläuten kümmt beerenorriget Steinawt hervör, dat bi C. kousa in`n rosaroden ierdbeerorrigen Fruchtverbund tausamensteiht un gaut smeckt.

Cornus kousa is in Ostasien (ü. a. China, Korea, Japan) in lichte Stellen in de sommergräunen Wälder wiet verbreit`t. De bomförmige Oort is wägen ehrer Bläutenstänn` as Ziergehölz in woll temperierte Rabeite in Parks un Gordens oft eis anplant. De bet tau 10 m hoge Bom drifft vun`n Wonnemaand bet tau`n Heumaand siene upfallenden Bläutenstänn`ut. In`n Harwst farwen sick de Lowbläder as Kupfer so rod. In`n Botanischen Gorden steiht `n groter Bom an`n Groten Rasen ünnerhalw vun`t Alpinum.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.