Maandenplant

Bi´n Län orrer Ahürn orrer Loen hannelt sick dat üm ´nen sommergräunen Lowwbom, de in wiede Deile von´t europäische Flachlann´ verbreit´t is. Die Gattung Acer (Sepenbomgewächse, Sapindaceae) ümfött oewer 100 Oorten, die vör allem in den gemäßigten Rebeite von de Nuurdhemisphäre upträden.

Dei Län (Spitzahorn) is ein typischet Element von dat Lowwmischholt. Ofteins kümmt hei tausamen mit u. a. Linnenböm, Eschenböm un Stäl-Eiköm vör. In Städte un Dörper is hei as Park- un Alleebom beleiwt. De statsche Bom erreikt ´ne Höcht von bet tau 30 m un sien Stamm ´nen Dörchmesser von mihr as 50 cm. Dei gägenstännig anurdnete Lowwbläder besitten ´ne handförmige Spreit, dei fief- bet söbenlappig deilt is. Sei glieken den Lowwblädern von dei Platan, de twors wesselstännig anurdnet sünd. In´n Harwst farwen sick die Lowwbläder von den´n Ahürn lüchtend gäl-rot. Dei Bläuten erschienen in´t Vörjohr kort för den´n Lowwustrieb. Sei sünd gäl-gräun un erreiken ´nen Dörchmesser von bet 1,5 cm. Ut sei gah´n tweideilige Flögelnöt rut.

In´n Botanischen Gorden wasst dei Län in die Ahürnsammlung näben den´n middleren Diek.

Plattdütsch: Eva Dittberner, Vereinsmaat in'n Plattdütsch-Verein Klönsnack-Rostocker 7 e.V.