Maandenplant

De Gattung Rubus gehürt tau de gröttsten Gattungen von dei Rosengewächse (Rosaceae). Sei tellt mit u. a. Potentilla (Fingerkrüter) un Rosa (Rosen) tau de oortenrieksten Verträder von de Familie in Middeleuropa un umfött wohrschienlich oewer 500 Oorten. Heimische Himbeeren (Rubus idaeus) un Brummelbeeren (u. a. R. fruticosus) sünd dorbi ok von ökonomscher Bedüdung. De deilwies kladdernden Strüker sünd as Aftlieferanten sihr tau lieden. Sei liefern wunnerbor schmeckendet Sammelsteinaft, de ut saftiget Einzelaft tausamensett sünd.

Bi die Kaneel-Himbeer hannelt sick dat üm ´nen Struk mit wiet utladende Twiege, de nich mit Tacheln besett sünd. Af Mai maken sick dei gaut utseihenden Bläuten apen, dei ´nen Dörchmesser von bet 5 cm erreiken. De Kronbläder sünd dunkelrosa farwt. Leider schmeckt dat rode Sammelaft langwielig.

Dei Kaneel-Himbeer kümmt ut halwschattigen Dickicht in´n östlichen Nurdamerika (USA, Kanada). In Middeleuropa ist sei af un tau in wilder Form antaudrapen. In´n Botanischen Gorden steiht sei an de Böschung tau´n Marinekommando gliek hinner den´n Bäukenwald.

Plattdütsch: Christa Winkelmann, Vereinsmaat in'n Plattdütsch-Verein Klönsnack-Rostocker 7 e.V.