Maandenplant

De Gattung Goeppertia umfött mihr as 240 Oorten, de blot in de natt-warmen Tropen von de niege Welt vörkamen. Ut den´n Atlantischen Regenwald von Brasilien kümmt de ümmergräune Staude Goeppertiamakoyana (Synonym Calatheamakoyana) her. Sei erreikt ´ne Höcht von bet tau 45 cm. De tau de Marantagewächsen (Marantaceae) tellende Oort is wägen ehre statschen Lowwbläder ´ne beleiwte Zimmerplant. De breid-langtrockenen Bläder sünd baben hell olivgräun. Upfällig sünd de up beide Sieten von de Middelripp rutkamende dunkelgräune Placken. Up de Unnersiet hebben sei dat glieke natürliche Muster, aewer in rötlich. Ok annere Oorten von de Gattung Goeppertia wiesen schön farwte un geteiknete Bläder up.

As tropische Rägenwaldoort stellt de Pfauen-Korfmaranthe hoge Ansprüche an Tempratur (möt ümmer oewer 16 ºC liggen) un Luftfeuchte un verdrägt keine direkte Sünneninstrahlung un keinen högeren Kalkgehalt in´n Water. In´t Tropengewächshus steiht Goeppertiamakoyana up de lütt Anhöcht an´n Weg.

Plattdütsch: Eva Dittberner, Vereinsmaat in'n Plattdütsch-Verein Klönsnack-Rostocker 7 e.V.